Timirpanthi gujarati book written by Dhruv Bhatt તિમિરપંથી - ધ્રુવ ભટ્ કથાનું પહેલું પ્રકરણ, પહેલું જ વાક્ય, ‘એય, કોણ છે ? કોણ છે તું ? પ્રશ્ન ગુંજ્યા કર્યો. જેને પૂછાયો હતો તે જવાબ આપી શકે તેમ નહોતું.’ અહીં જ ઘડીક તો થંભી જવાય છે. આમ તો આપણે સૌ અહીં જ અટકેલા છીએ ને ! પછી તો આખી ઘટના પ્રશ્નના અનુસંધાને આગળ વધે છે. પ્રશ્ન કોણે પૂછ્યો છે ? શા માટે પૂછ્યો છે ? કોને પૂછ્યો છે ? એના જવાબ શોધવા આગળ આગળ વધતું જવું પડે. જેમ જેમ પાનાઓ ફરતા જાય એમ એમ આખી ઘટના આંખ સામે ઉભી થતી જાય.વાંચતા વાંચતા વચ્ચે તરસ લાગે તો પાણી પીવા જવાનું મન ન થાય એટલી મજબૂતીથી તમને જકડે.આપણો જન્મ જે કોઈ કુળમાં થાય છે, એ કુળનો ધર્મ આપણામાં ઉતરતો જ હોઈ છે. સમજણથી એ ઉજળો થાય અને નાસમજથી બેકાર. અહીં લેખકે જે જાતિની વાત કરી છે એનો જાજો પરિચય સમાજના મોટા ભાગના લોકો પાસે નહી હોઈ. આખુબ નાનો સમુદાય, કાયદામાં જેના માટે ‘born creminal’ શબ્દ વપરાયો છે, જેને 64 વિદ્યામાની એક વિદ્યાના કળાધર મનાયછે, જે જાતીનો ઉછેર વગડે થયો છે અને ભટકી ભટકીને થયો છે, એવું પણ કહેવાય છે કે એની પાસે એવો હુન્નર છે કે રાતના અંધારામાં કામ કરીને એ ઓગળી જાય છે. આવી તો અનેક વાતના સહારે કથા જયારે આગળ વધે છે ત્યારે ધીરે ધીરે એવું લાગે છે કેઆપણી અંદર કંઈક ઉજળું થઇ રહ્યું છે. જેમની વાત થઇ રહી છે એ જાતિ પ્રત્યેની આપણી દ્રષ્ટી તો બદલાતી દેખાય જ, સાથે-સાથે પોતાની જાત માટેનો નજરીયો પણ બદલાતો દેખાય. ધ્રુવ ભટ્ટના અત્યાર સુધીના ઘણા પુસ્તકોમાં એક સમાન બાબત રહી છે. એક પુરુષ પાત્રની અજાણ્યા સ્થળની યાત્રા હોઈ અને ત્યાના લોકો સાથેના એના સહવાસથી એને મળતી સમજણની વાત હોઈ. સાથે સાથે એક એવી સ્ત્રીનું પાત્ર હોઈ, જેના પ્રેમમાં વાચક ઓળઘોળ થયા વિના રહી જ ના શકે. આજે પણ અનેક વાચકોના મનમાં સમુદ્રન્તીકેની અવલ, તત્વમસીનની સુપ્રિયા,અને અકુપરની સંસાઈ જીવે છે. એમ જ અહીં પણ એક પાત્ર વાચકનું દિલ જીતી લે છે. કોઈ કળા વર્ષો સુધી કઈ રીતે જીવતી રહી શકે ! આ જાતી પાસે શીખવાની-શીખવવાની એવી તો કઈ પધ્ધતિ છે જેના સહારે આટલી અદભૂત કળાના તેઓ રક્ષક બની રહ્યા ! કથાનું મૂળ તત્વ આ બધા આશ્ચર્ય અને કુતુહલના સહારે આગળ ચાલે છે.વાંચતા વાંચતા એવું લાગે કે લેખકે આ બધી વાતને કઈ કક્ષાએ જઈને અનુભવી હશે, કે જેના ફલસૃતરૂપે આ કથાનો જન્મ થઇ શક્યો. કથાના અંતમાં, છેલ્લે પાછો એ જ પ્રશ્ન પુછાય છે. હવે તો પૂછનાર પોતાની જાત છે. પણ જવાબમાં નીરુતર રહી જવાય છે. પોતે કોણ છે ? વાંચજો, આ કથા વાંચ્યા પછી આ પુસ્તક તમારું ફેવરીટ બની જશે. ટ