Sach Bole Kutta Kate ! Gujarati Book Written By Tarak Mehta ગુજરાતી સાહિત્યમાં હાસ્ય લેખો અંગ્રેજીને ટક્કર મારે એવા અને એટલા બધા અધધધ છે. કોમેડી નાટકો ધૂમ મચાવે છે, પણ હાસ્ય નવલકથા ? આંગળીના વેઢા વધી પડે ! તારક મહેતાને પદ્મશ્રી મળ્યો એનો બહુ ઓચ્છવ થયો,પણ ઉલટા ચશ્માના આ લેખકે મસ્ત રમૂજી વાર્તાઓ લખી છે. એમાં પી. જી. વોડહાઉસની પ્રેરણા લઈ એમણે આ જે નવલકથા લખી છે એ રેડીમેઇડ ફિલ્મ કે સીરિયલ મટીરિયલ છે ! નેચરલી, માહોલ ૧૯૮૭માં લખાયેલી કૃતિનો જૂનો છે, પણ એના કોમિક કેરેક્ટર્સની 'હસીલી' હરકતોની મોજ સનાતન છે. આખો હળવો કટાક્ષ અતિ સંપત્તિ ધરાવતા ધનવાન કુટુંબો પર છે, પણ એમાં સડસડાટ વંચાતી જાય એવી ઘટનાઓ આબાદ છે અને લેખકના ટ્રેડમાર્ક વર્ણનો 'એમનું ગાજર જેવું નાક ગુસ્સે ભરાઈને દૂધી જેવું બનવાની ધમકી આપી રહ્યું હતું. કાચની બરણીનું ઢાંકણું ખૂલી ગયું હોય, તે રીતે એમનું મોં ખૂલી ગયું હતું !... કહે છે પ્રેમ આંધળો હોય છે, પણ પ્રેમી આંધળો નથી હોતો કેટલાક પ્રેમીઓની આંખો તો દૂરબીન બનીને દૂર દૂરનું પણ જોવા માંડે છે !' લવસ્ટોરી સાથે જરાતરા સસ્પેન્સને વણી લેતી આ કહાની કેટલીક સો કરોડીકોમેડી ફિલ્મો કરતા વધુ માણવા લાયક છે. રિલેક્સ એન્ડ હેવ લાફ.- જય વસાવડા