માસ્ટર સ્ટોરી ટેલર મહેશ યાજ્ઞિકની નવી નવલકથા પાંચમો બાદશાહ એટલે કુંદન કામદારની ખુમારી અને ખુવારીની કથા જુગાર. આદિકાળથી રમાતી આ રમતમાં ધર્મરાજા યુધિષ્ઠિર હારી જાય અને દુર્યોધન જીતે એવું પણ બને. પત્તા-પાનાં હોય કે વરલી મટકા જુગારના બાંધણીઓને રમાડીને પોતાનો ધંધો જમાવનાર એક કુટુંબની કથા. લાગણીની ભીનાશ અને સ્વાર્થની સાજીશ વચ્ચે પરિવારમાં બનતી કડવી-મીઠી ઘટનાઓ. કથાનાયક કુંદન કામદારની ખેલદિલી અને ખુન્નસની ઘટનાઓ વચ્ચે વહેતી વાર્તા એટલે પાંચમો બાદશાહ.